ছিয়াম (ৰোজা) পালনকাৰীক আল্লাহ তা‘আলাই কি আল্লাহ তা‘আলাই কি পুৰস্কাৰ ও প্রতিদান দিব ?

ছিয়াম (ৰোজা) পালনকাৰীক যিসকলো পুৰস্কাৰ ও প্রতিদান আল্লাহ তা'আলাই দিব তাৰ অংশ বিশেষ তলত উল্লেখ কৰা হ'লঃ


[১] আল্লাহে স্বয়ং নিজে ছিয়ামৰ প্রতিদান দিব-

হাদীছে কুদছীতত আছে, আল্লাহ তা‘আলাই কৈছেঃ

كُلُّ عَمَلِ بَنِىْ آَدَمَ لَهُ إِلاَّ الصِّيَامَ فَإِنَّهُ لِيْ وَأَنَا أَجْزِئ بِهِ

‘‘মানুহৰ প্রতিটো ভাল কাম নিজৰ বাবে হৈ থাকে, কিন্তু ছিয়াম একমাত্র মোৰ বাবে, সেয়ে আমি নিজেই ইয়াৰ প্রতিদান দিম। (বুখাৰীঃ ১৯০৪)


[২] ছিয়াম অতি উত্তম নেক আমল-
আবূ হুৰাইৰাহ ছল্লাল্লাহু আলাইহি ওয়াছাল্লাম’ৰ এটি হাদীছত তেখেতে কৈছেঃ

يَا رَسُوْلَ اللهِ مُرْنِيْ بِعَمَلٍ، قَالَ عَلَيْكَ بِالصَّوْمِ فَإِنَّهُ لاَ عَدْلَ لَهُ

‘‘হে ৰাছূলুল্লাহ ছাল্লাল্লাহু আলাইহি ওয়াছাল্লাম! মোক এটি অতি উত্তম নেক আমলৰ নির্দেশ দিয়ক। ৰাছূলুল্লাহ ছাল্লাল্লাহু আলাইহি ওয়াছাল্লামে কলে, তুমি ছিয়াম পালন কৰা। কিয়নো ইয়াৰ সমমর্যাদা সম্পন্ন কোনো আমল নাই।’’ (নাছাঈঃ ২২২২)

অন্যান্য ইবাদত মানুহে দেখিবলৈ পায়। কিন্তু ছিয়ামৰ মাজত সেইটো নাই। লোকক দেখুৱাৰ কোনো আলামত ছিয়াম পালনত নাথাকে। মাত্ৰ আল্লাহক সুখি কৰাৰ বাবে কৰা হয়। সেয়ে এই ইবাদতৰ মাজত আছে বিশুদ্ধ ইখলাছ।

হাদীছে কুদছীত আল্লাহ তা‘আলায়ে কৈছে,

يَدَعُ شَهْوَتَهُ وَطَعَامَهُ مِنْ أَجْلِيْ

‘‘ছিয়াম পালনকাৰী একমাত্র মোক সুখি কৰাৰ বাবেই পানাহাৰ ও যৌন উপভোগ পৰিহাৰ কৰে।’ (১৮৯৪)

[৩] ক)- জান্নাত লাভ সহজ হৈ যাব-

ছহীহ ইবনু হিববান কিতাবত আছে আবূ উমামা ৰাছূলুল্লাহ ছাল্লাল্লাহু আলাইহি ওয়াছাল্লামক সুধিলেঃ

يَا رَسُوْلَ اللهِ دُلُّنِيْ عَلَى عَمَلٍ أَدْخُلُ بِهِ الْجَنَّةَ قَالَ عَلَيْكَ بِالصَّوْمِ فَإِنَّهُ لاَ مِثْلَ لَهُ

আবূ উমামা ৰাদিয়াল্লাহু আনহুয়ে কয়, হে আল্লাহৰ ৰাছূল ! মোক এনেকুৱা এটি আমলৰ কথা কওঁক যাৰ কাৰণে মই জান্নাতত যাব পাৰো। তেখেতে কলে, তুমি ছিয়াম পালন কৰা। কিয়নো ইয়াৰ সমমর্যাদা সম্পন্ন কোনো ইবাদাত নাই। (নাছাঈ : ২২২১)

খ). ছিয়াম পালনকাৰীকে বিনা হিচাপত প্রতিদান দিয়া হয়-

অন্যান্য ইবাদতৰ প্রতিদান আল্লাহ তা‘আলায়ে তাৰ দয়াৰ বদৌলতত ১০ ৰ পৰা ৭০০ গুণ পর্যন্ত বঢাই দিয়ে। কিন্তু ছিয়ামৰ প্রতিদান ও তাৰ চাওয়াব ইয়াতকৈও বেহিচাপ সংখ্যা দি গুণ দি বঢাই দিয়া হ'ব। হাদীছে কুদছীত আল্লাহে কৈছে,

كُلُّ عَمَلِ ابْنِ آدَمَ يُضَاعَفُ الْحَسَنَةُ بِعَشْرِ أَمْثَالِهَا إِلَى سَبْعِ مِائَةِ ضِعْفٍ قَالَ اللهُ عَزَّ وَجَلَّ (إِلاَّ الصَّوْمَ فَإِنَّهُ لِيْ وَأَنَا أَجْزِي بِهِ(

‘‘মানব সন্তানৰ প্রতিটো নেক আমলৰ প্রতিদান দশৰ পৰা সাতশ গুণ লৈকে বৃদ্ধি কৰা হৈ থাকে। আল্লাহ তা‘আলায়ে কৈছে, কিন্তু ছিয়ামৰ বিষয়টো ভিন্ন। কয়নো ছিয়াম একমাত্র মোৰ বাবে, ময়েই ইয়াৰ প্রতিদান দিম। (মুছলিমঃ ১১৫১)

অর্থাৎ কি পৰিমাণ সংখ্যা দি গুণ কৰি ইয়াৰ প্রতিদান বঢাই দিয়া হ'ব ইয়াৰ কোনো হিচাপ নাই, একমাত্র আল্লাহেই জানে ছিয়ামৰ পুণ্যেৰ ভান্ডাৰ কিমান সুবিশাল হ'ব।

[৪] জাহান্নামৰ পৰা মুক্তি পোৱাৰ বাবে ছিয়াম ঢাল স্বৰূপ-

ৰাছূলুল্লাহ ছাল্লাল্লাহু আলাইহি ওয়াছাল্লামে কৈছেঃ

اَلصِّيَامُ جُنَّةٌ يَسْتَجِنُّ بِهَا الْعَبْدُ مِنَ النَّارِ

‘‘ছিয়াম ঢাল স্বৰূপ। ইয়াৰ দ্বাৰা বান্দা তাৰ নিজক জাহান্নামৰ জুইৰ পৰা ৰক্ষা কৰিব পাৰা।’’ (আহমাদ : ১৫২৯৯)

[৫] জাহান্নামৰ পৰা বঁচাৰ বাবে ছিয়াম এটি মজবুত দূর্গ-

হাদীছত আছে,

اَلصِّيَامُ جُنَّةٌ وَحِصْنُ حَصِيْنٌ مِنَ النَّارِ

‘‘ছিয়াম ঢালস্বৰূপ আৰু জাহান্নাম পৰা বঁচাৰ এক মজবুত দূর্গ।’’ (আহমাদ : ৯২২৫)

৬. কোনোৱে যদি একমাত্ৰ আল্লাহক খুছী কৰাৰ কাৰণে এদিন সিয়াম (ৰোজা) ৰাখে আল্লাহে তাক জাহান্নামৰ জুইৰ পৰা সত্তৰ বছৰৰ ৰাস্তাৰ পৰিমান দুৰবৰ্তী স্থানত ৰাখিব ।
(বুখাৰী ২৮৪০, মুছলিম ১১৫৩)

৭. ইফতাৰৰ মহূৰ্তত আল্লাহে বহু লোকক জাহান্নামৰ পৰা মুক্তি দিয়ে । মুক্তিৰ এই প্ৰক্ৰিয়া ৰমজানৰ প্ৰত্যেক ৰাতিয়েই চলি থাকে । (আহমদ ৫/২৫৬)


৮. সিয়াম (ৰোজা ) ৰখা ব্যক্তিৰ মুখৰ গোন্ধ আল্লাহৰ ওচৰত মেশ্কেৰ সুগন্ধিতকৈয়ো উত্তম ।

ৰাছুলুল্লাহ (ছ) য়ে কৈছে যাৰ হাতত মোৰ প্ৰাণ আছে সেই সত্তাৰ শপথ, সিয়াম (ৰোজা) ৰখা ব্যক্তিৰ মুখৰ গোন্ধ আল্লাহৰ ওচৰত মেশ্কেৰ সুগন্ধিতকৈয়ো উত্তম ।
(বুখাৰী ১৯০4, মুছলিম ১১৫১)

9. ৰাছুলুল্লাহ (ছ) য়ে কৈছে সিয়াম (ৰোজা) ৰখা ব্যক্তিৰ কাৰণে দুটা বিশেষ আনন্দৰ মহূৰ্ত আছে ।
(ক) ইফতাৰৰ সময়
(খ) আল্লাহৰ লগত সাক্ষাতৰ সময় ।
(বুখাৰী ৭৪৯২, মুছলিম ১১৫১

১০. ৰোজাই কিয়ামতৰ দিনা আল্লাহৰ ওচৰত চুপাৰিছ কৰিব, যে হে মোৰ ৰব, মই দিনৰ সময়ত তাক (ৰোজা ৰখা ব্যক্তিক) পানাহাৰ আৰু যৌনতাৰ পৰা বিৰত ৰাখিছো । হে মোৰ ৰব সেইকাৰণে ইয়াৰ বাবে তুমি মোৰ চুপাৰিছ কবুল কৰা ।

থিক তেনেদৰে কোৰআণেও কব, হে মোৰ ৰব মোক পঢ়াৰ কাৰণে মই তাক ৰাতি টুপনিৰ পৰা বিৰত ৰাখিছিলো । হে মোৰ ৰব সেইকাৰণে ইয়াৰ বাবে তুমি মোৰ চুপাৰিছ কবুল কৰা ।
ৰাছুলুল্লাহ (ছ) য়ে কৈছে, তাৰ পিচত সিহতৰ চুপাৰিছ আল্লাহে কবুল কৰিব ৷
(আহমদ ২/১৭৪)

[১১] ছিয়াম হল গুনাহৰ (পাপৰ) কাফফাৰা ৷
(ক) আল্লাহ তাআলাই কৈছে,
নিশ্চয় নেক আমলে পাপবোৰ দূৰ কৰি দিয়ে।
(ছুৰা হুদ ১১৪)

[খ] নবী (ছ) য়ে কৈছে যে ,পৰিবাৰ পৰিজন, ধন-সম্পদ আৰু প্রতিবেশিসকলক লৈ জীবন ধাৰণা কৰাৰ পথত যিবোৰ গুনাহ মানুহৰ হৈ যায় সেইবোৰ গুনাহক ছালাত, ছিয়াম আৰু দান খাইৰাতে মুছি পেলাই ।
(বুখাৰী ঃ ৫২৫; মুসলিম ঃ১৪৪)

[১২] ছিয়াম পালনকাৰীৰ এক ৰমযানৰ পৰা পৰবর্তী ৰমাযানৰ মধ্যবর্তী সময়ত হৈ যোৱা ছগীৰা গুনাহবোৰক আল্লাহে মাফ কৰি দিয়ে ।

(ক) আল্লাহ তাআলাই কৈছে যে,

‘‘তোমালোকে যদি নিষিদ্ধ কবীৰা গুনাহৰ পৰা বিৰত থকা তেনেহলে তোমাৰ ছগীৰা গুনাহবোৰ ক্ষমা কৰি দিয়া হব আৰু (জান্নাতত) তোমাক সম্মানজনক স্থানত প্রবেশ কৰোৱা হব । (ছূৰা নিছা ঃ ৩১)

(খ) ৰাছূলুল্লাহ (ছ) য়ে কৈছে যে,

পাঁচ ওয়াক্ত ছালাতৰ (নামাজৰ) মধ্যবর্তী সময় আৰু এক জুম্মাৰ পৰা পৰৱৰ্তী জুম্মালৈ আৰু এক ৰমযানৰ পৰা পৰৱৰ্তী ৰমযানলৈ মাজত হোৱা ছগীৰা গুনাহবোৰক (উল্লেখিত ইবাদতৰ) কাফ্ফাৰা স্বৰূপে মাফ দিয়া হব, যদি তেও কবীৰা গুনাহৰ পৰা বাচি থাকিব পাৰে ৷
(মুছলিম ঃ ২৩৩)

[১৩] ছিয়াম পালনকাৰীৰ পূর্বৰ গুনাহ মাফ কৰি দিয়া হয়।
নবীজি ছাল্লাল্লাহু আলাইহি ওয়াছাল্লামে কৈছে, যি ব্যক্তিয়ে ঈমান আনি ছোৱাব অর্জনৰ আশাত ৰমযানৰ গোটেই কেইটা ছিয়াম পালন কৰিব, তাৰ অতীতৰ সকলো গুনাহ মাফ কৰি দিয়া হব ৷
(বুখাৰীঃ ৩৮; মুছলিমঃ ৭৬৯)

[১৪] ছিয়াম যৌনপ্রবৃত্তি নিয়ন্ত্রণত ৰাখে ৷
ৰাছুলুল্লাহ ছাল্লাল্লাহু আলাইহি ওয়াছাল্লামে কৈছে,
হে যুবক সকল ! তোমালোকৰ মাজত যাৰ সমর্থ আছে তেও যেন বিবাহ কৰাই । কিয়নো বিবাহে দৃষ্টি আৰু লজ্জাস্থান হেফাযত কৰি ৰাখে ।
আৰু যি ব্যক্তিৰ বিবাহৰ সামর্থ নাই তেও যেন যেন ছিয়াম পালন কৰে। কাৰণ এইটো তাৰ কাৰণে নিবৃতকাৰী। (অর্থাৎ ছিয়াম পালন যৌন প্রবৃত্তি নিবৃত কৰি ৰাখে)
(বুখাৰীঃ ১৯০৫; মুছলিমঃ ১৪০০)

[১৫] ছিয়াম পালনকাৰী সকল ৰাইয়ান নামৰ বিশেষ এখন দৰ্জাৰে জান্নাতত প্রবেশ কৰিব।
জান্নাতত এখন দৰ্জা আছে যাৰ নাম ৰাইয়্যান। কিয়ামতৰ দিনা কেবল ছিয়ামপালনকাৰী সকলেই সেই দৰ্জাৰে প্রবেশ কৰিব। সিহতৰ বাহিৰে অন্য কোনেও সেই দৰজাৰে প্রবেশ কৰিব নোৱাৰিব। সেইদিনা ঘোষণা কৰা হব, ছিয়াম পালনকাৰীসকল কত ?(ৰোজা ৰখা সকল কত) তেতিয়া সিহতে থিয় হৈ যাব সেই দৰজাৰে প্রবেশ কৰাৰ কাৰণে।
সিহত প্রবেশ কৰাৰ পাছত সেই দৰ্জাখন বন্ধ কৰি দিয়া হব ৷ ফলত সিহত ব্যতীত অন্য কেনেও সেইখন দৰ্জাৰে জান্নাত প্ৰবেশ কৰিব নোৱাৰিব ৷
(বুখাৰী ১৮৯৬, মুছলিম ১১৫২)